EAGLE

Government of Andhra Pradesh
| Last Updated: 21 November, 2026
100%
EAGLE
Home › Outreach › Bapatla - Chirala SDPO - Chirala I Town UPS
Awareness
OFFICIAL

Bapatla - Chirala SDPO - Chirala I Town UPS

Conducted: 09 October, 2026 Bapatla Venue: Annapurnamma Women’s Degree College EAGLE 96 Attendees
చీరాల అన్నపూర్ణమ్మ మహిళా డిగ్రీ కళాశాలలో 96 మంది విద్యార్థినులకు “BREAK THE SILENCE – CALL EAGLE 1972”పై అవగాహన కల్పించిన బాపట్ల జిల్లా EAGLE సెల్

వివరణ

చీరాల వన్ టౌన్ పోలీస్ స్టేషన్ పరిధిలోని అన్నపూర్ణమ్మ మహిళా డిగ్రీ కళాశాలలో విద్యార్థినులతో ముఖాముఖి “BREAK THE SILENCE – CALL EAGLE 1972” అవగాహన కార్యక్రమం నిర్వహించారు. ఈ కార్యక్రమంలో చీరాల వన్ టౌన్ మహిళా ఎస్‌ఐ గారు, బాపట్ల జిల్లా EAGLE సెల్ సిబ్బంది మరియు 96 మంది విద్యార్థినులు పాల్గొన్నారు.

ఈ సందర్భంగా చీరాల వన్ టౌన్ మహిళా ఎస్‌ఐ గారు కళాశాలల్లోకి గంజాయి, ఇతర మాదకద్రవ్యాలు ప్రవేశించకుండా తీసుకోవాల్సిన జాగ్రత్తలపై విద్యార్థినులకు అవగాహన కల్పించారు.

EAGLE టోల్‌ఫ్రీ నంబర్ – 1972:
పరిసరాల్లో గంజాయి, డ్రగ్స్ లేదా ఇతర మత్తు పదార్థాలకు సంబంధించిన సమాచారం తెలిస్తే మౌనం వీడి “BREAK THE SILENCE – CALL EAGLE 1972” నినాదంతో EAGLE టోల్‌ఫ్రీ నంబర్ 1972కు సమాచారం అందించాలని సూచించారు.

తల్లిదండ్రుల పర్యవేక్షణ అవసరం:
విద్యార్థులు చెడు అలవాట్లకు దూరంగా ఉండేందుకు తల్లిదండ్రులు నిరంతరం పర్యవేక్షించాలని తెలిపారు. సిగరెట్, మద్యం వంటి అలవాట్లు భవిష్యత్తులో మాదకద్రవ్యాల వైపు మళ్లే ప్రమాదాన్ని పెంచవచ్చని, ప్రారంభ దశలోనే అప్రమత్తంగా ఉండాలని సూచించారు.

EAGLE ప్రత్యేక ఆపరేషన్లు:
ఆంధ్రప్రదేశ్ ప్రభుత్వం, EAGLE విభాగం చేపడుతున్న ఆపరేషన్ చైతన్యం, ఆపరేషన్ గరుడ, ఆపరేషన్ సేఫ్ క్యాంపస్ జోన్, ఆపరేషన్ వజ్రప్రహార్, ఆపరేషన్ ట్రైన్స్ వంటి కార్యక్రమాల ప్రాధాన్యతను వివరించారు.

నార్కో-టెర్రరిజంపై అవగాహన:
మాదకద్రవ్యాల అక్రమ రవాణా ద్వారా యువతను వ్యసనాలకు గురిచేయడంతో పాటు, దేశ భద్రతకు ముప్పు కలిగించే నార్కో-టెర్రరిజం ప్రమాదాలపై అవగాహన కల్పించారు.

పునరావాసం ద్వారా విముక్తి:
మాదకద్రవ్యాలకు బానిసైన వారిని నిర్లక్ష్యం చేయకుండా, వారికి సహాయం అందించే దిశగా ముందుకు రావాలని సూచించారు. EAGLE 1972కు సమాచారం అందించడం ద్వారా అవసరమైన కౌన్సెలింగ్, వైద్యం మరియు పునరావాస సహాయం పొందేందుకు మార్గదర్శకత్వం లభిస్తుందని వివరించారు.

ఈ కార్యక్రమం ద్వారా విద్యార్థినుల్లో మాదకద్రవ్యాలపై అవగాహన పెంపొందించడంతో పాటు, డ్రగ్స్ రహిత విద్యాసంస్థలు, సురక్షిత సమాజ నిర్మాణంలో యువత భాగస్వామ్యం కావాలని పిలుపునిచ్చారు.

BREAK THE SILENCE – CALL EAGLE 1972
Other Outreach Programs
Together, we can build a drug-free Andhra Pradesh. Be the change.
© 2026 Eagle Narcotics, Government of Andhra Pradesh. All Rights Reserved.